गरिमा विकास बैंकले आफ्नो १९औं वार्षिकोत्सवको अवसरमा देशभरका १९ स्थानमा विविध सामाजिक उत्तरदायित्व (CSR) कार्यक्रमहरू सफलतापूर्वक सम्पन्न गरेको छ।
यस अन्तर्गत, देशका ७ स्थानहरूमा रक्तदान कार्यक्रम सम्पन्न गरिएको छ, जसले बैंकको सामाजिक सेवाप्रति दृढ प्रतिबद्धता झल्काउँछ।
प्रदेश नं. १ अन्तर्गत, बैंकको बिराटचोक शाखाले सुकुना बहुमुखी क्याम्पसमा गरिब तथा जेहेन्दार विद्यार्थीहरूका लागि छात्रवृत्ति वितरण कार्यक्रम सञ्चालन गरेको छ भने इटहरी शाखाद्वारा रक्तदान कार्यक्रम समेत सम्पन्न गरिएको छ।
इटहरीमा सम्पन्न रक्तदान कार्यक्रम आदरणीय व्यक्ति श्री चन्द्रबहादुर बस्नेतबाट उद्घाटन गरिएको थियो भने शाखा प्रमुख श्री योगेन्द्रकुमार गच्छदारको अध्यक्षता र क्षेत्रीय प्रमुख श्री दिपेन्द्र पोखरेलको प्रमुख आतिथ्यमा सम्पन्न भएको थियो। सो कार्यक्रममा जम्मा ७५ पिन्ट रगत संकलन गरिएको थियो।
गरिमा विकास बैंकले वित्तीय सेवा मात्र नभई सामाजिक सेवामा समेत सक्रिय भूमिका खेल्दै जिम्मेवार बैंकिङको भावना अनुरूप आफ्ना गतिविधिहरू अघि बढाइरहेको छ।
