सरकारले काठमाडौँको केन्द्रमा रहेको भृकुटीमण्डप क्षेत्रलाई अन्तर्राष्ट्रिय स्तरको सभा सम्मेलन प्रदर्शनी केन्द्र विकास गर्ने भएको छ।
शुक्रवार राष्ट्रपति रामचन्द्र पौडेलले सङ्घीय संसद्मा आगामी वर्षको नीति तथा कार्यक्रम प्रस्तुत गर्दै काठमाडौँको केन्द्रमा रहेको भृकुटीमण्डप क्षेत्रलाई अन्तर्राष्ट्रिय स्तरको सभा सम्मेलन प्रदर्शनी केन्द्र मनोरञ्जन पार्कको रूपमा विकास गरिने जानकारी दिए।
‘काठमाडौँको केन्द्रमा रहेको भृकुटीमण्डप क्षेत्रलाई अन्तर्राष्ट्रिय स्तरको सभा सम्मेलन प्रदर्शनी केन्द्र मनोरञ्जन पार्कको रूपमा विकास गरिने छ।’
त्यस्तै उनले ‘रेल तथा जल यातायात सञ्चालन गरी ढुवानी लागत घटाइने, अत्यावश्यक वस्तु तथा सेवा अभाव हुन नदिन भण्डारण क्षमता, मूल्य गुणस्तर अनुगमनमा जोड दिइने पनि जानकारी दिए।
उनले भने, ‘रेल तथा जल यातायात सञ्चालन गरी ढुवानी लागत घटाइने छ। उत्पादन र लागत घटाउन दिगो पूर्वाधार विकास गरिनेछ। अत्यावश्यक वस्तु तथा सेवा अभाव हुन नदिन भण्डारण क्षमता, मूल्य गुणस्तर अनुगमनमा जोड दिइनेछ।’
